Herb

Зацвярджаю

Дырэктар Дзяржаўнай установы

культуры “Жлобінская цэнтральная

раённая бібліятэка імя Н.К.Крупскай”

Т.Л.Яновіч

Палажэнне

аб раённым аглядзе-конкурсе “На юбілейнай хвалі”

на лепшую работу публічных бібліятэк па папулярызацыі творчасці беларускіх пісьменнікаў-юбіляраў 2021 года

1.Агульныя палажэнні

1.1.Дадзенае палажэнне вызначае парадак і ўмовы правядзення раённага агляду-конкурсу “На юбілейнай хвалі” (далей – Конкурс), крытэрыі ацэнкі і патрабаванні да яго ўдзельнікаў, парадак падвядзення вынікаў і ўзнагароджвання пераможцаў.

1.2.Конкурс праводзіцца Дзяржаўнай установай культуры “Жлобінская цэнтральная раённая бібліятэка імя Н.К.Крупскай” і накіраваны на папулярызацыю творчасці беларускіх пісменнікаў-юбіляраў 2021 года і папулярызацыю беларускіх кніг-юбіляраў 2021года.

2.Асноўныя мэты і задачы конкурсу

2.1.Актывізацыя прапаганды кнігі і чытання ў грамадстве. 2.2.Папулярызацыя творчасці беларускіх пісьменнікаў-юбіляраў 2021 года, распаўсюджванне лепшых літаратурных твораў сярод чытачоў.

2.3.Актыўнае выкарыстанне інфармацыйных тэхналогій у дзейнасці бібліятэк.

2.4.Выяўленне арыгінальных творчых распрацовак бібліятэкараў, якія садзейнічаюць развіццю чытацкіх інтарэсаў.

3.Арганізацыя і правядзенне конкурсу

3.1.Арганізацыю і правядзенне конкурсу забяспечвае Дзяржаўная ўстанова культуры “Жлобінская  цэнтральная раённая бібліятэка імя Н.К.Крупскай”.

3.2.Для ацэнкі конкурсных работ складаецца журы. Арганізатары конкурсу ўзнагароджваюць яго пераможцаў і прызёраў.

3.3.Удзел у конкурсе прымаюць бібліятэкі Дзяржаўнай установы культуры “Жлобінская цэнтральная раённая бібліятэка імя Н.К.Крупскай”.

3.4.Тэрмін правядзення конкурсу ўстанаўліваецца з 1 студзеня па 30 лістапада 2021 года.

3.5.Конкурсныя матэрыялы бібліятэк накіроўваюцца па адрасу: г.Жлобін,   раённая цэнтральная бібліятэка імя Н.К.Крупскай і на электронны адрас:    bibl.krupskoi@gisp.gov.by          

4. Крытэрыі ацэнкі конкурсных работ

4.1.Журы ажыццяўляе экспертызу работ і вызначае пераможцаў конкурсу адкрытым галасаваннем. Рашэнне журы афармляецца пратаколам і з’яўляецца канчатковым.

4.2.Крытырэі ацэнкі конкурсных работ:

- адпаведнасць зместу матэрыялаў ідэі конкурсу;

- мастацкая каштоўнасць, свежасць і актуальнасць ідэі;

-арыгінальнасць, інфарматыўнасць, паўната раскрыцця тэмы ў адпаведнасці з узроставай катэгорыяй;

-высокая ступень зацікаўленасці і асабістай ініцыятывы бібліятэкара ў падрыхтоўцы конкурсных работ;

- якасць выканання і афармлення конкурсных работ.

4.3. На конкурс прымаюцца:

- у электронным варыянце (буктрэйлеры, відэафільмы, відэарэклама),

- у друкаваным варыянце (сцэнарыі мерапрыемстваў), якія прысвечаны пісьменнікам-юбілярам 2021 года ці кнігам-юбілярам 2021 года. Ход мерапрыемства павінен быць дакладна прапісаны, выкарыстаныя музыка ці відэарад вызначаны па ходу тэкста.

Неабходна прылажыць фотаздымкі з праведзенага мерапрыемства, спіс выкарыстаных дакументаў. Аб’ём сцэнарыя не абмежаваны. Асвятляць мерапрыемствы ў СМІ і соцсетках.  

5. Падвядзенне вынікаў і ўзнагароджванне ўдзельнікаў конкурсу

5.1.Выніку конкурсу падводзіць журы.

5.2.Пераможцы ўзнагароджваюцца дыпломамі і грашовымі прэміямі.

5.3.Вынікі адлюстроўваюцца ў сродках масавай інфармацыі і соцсетках.

6.Склад журы:

- Яновіч Т.Л., дырэктар Дзяржаўнай установы культуры “Жлобінская цэнтральная раённая бібліятэка імя Н.К.Крупскай”, старшыня камісіі.

- Міненкова  А.Д., намеснік дырэктара Дзяржаўнай установы культуры “Жлобінская цэнтральная раённая бібліятэка імя Н.К.Крупскай”.

-  Храмянкова Е.В.., загадчык аддзела абслугоўвання і інфармацыі.

-  Купцова Н.А., загадчык аддзела бібліятэчнага маркетынгу.

- Шынкевіч В.Ц.,  метадыст 1 катэгорыі  аддзела бібліятэчнага маркетынгу.

Желаем успехов!

© Жлобинская центральная районная библиотека имени Н.К.Крупской Яндекс.Метрика